-
11.04.2020, Kennd ar Goodsch gekneddsch? Katharina Müller über die Gothaer Mundart
Wemme die Daache von weechns dn Coronawierus ma langsamer muss gemach wie sonsd, is das eichndlech auema gans gud, ge?! Weil, wemme gesund is un kinne krosn Iechl ze bürschdn hadd, kamme endlech ema das gemach, was enn‘ werglech Spaß machd. For mech, enne Westfälin, die in Berlin wohn‘ duhd un jetze in Gohde arweided, sen das Sprachn. Un was das an duhd geh, han ech in Gohde je erschdema kinne krosn Arwardungn gehabbd. Frielech gibbds dahier e gansn Arschvoll Geschichde un Kuldur – das han ech schonn bie minn‘ erschdn klinn‘ Spaziergang dorch de Stadd unn‘ Barg gemerchd. Aer dasses au nonne eichne Mundard gehm duhd, da bin ech werglech üwarraschd gewesn. Dasses Goodsche nonnech ussgestorm is, daderdran is wo vor alln dar Andreas M. Cramer „schuld“. Seid jetze schonn fümm’zwannsch Jahrn duhd sech dar echd goodsche Labbmhööcher nehmich mid Büchern, Vordräächn un nech zuletzd dn berühmdn „Dinner off Goodsch“ for de Mundard anggaschier. Weil, wie ar saachd, s Goodsche ehm nech edwa schlechdes Hochdeudsch is, sondern vielmehr aue wichdcher Deil von der Gohdaer Kuldur un Geschichde. Daderzu geheern inzwüschn au de beidn goodschn Orchenale Hänser un Schluder, die dar Andreas zesamm‘ middn Zeichner Kai Kretzschmar vor gud zwannsch Jahrn zeerschd als Comiggfiguckchn arfundn had. Un weljer echde Labbmhööcher kann sech nech noch tran arinner, wie dar Ralph-Uwe Heinz un dar Jens Rönnpagel die zweie in echd dargestelld ham? Staddführungn, Kneibmduurn un sugar e eichnes Bühn’brogramm gabs mid den beidn goodschn Guschn. Da kannech nur neidisch geweer, weil krade jetze weer das doch widderema was, ge?! Aer ümmerhen sen je Hänser un Schluder noch off Fehsbugg ungerweechs un machng dord ihre Schnärzchn, Kneddsch un Schnullikram. Un for Nachwuchs bie dn echdn goodschn Labbmhööchern, die werglech au noch Goodsch kneddschn kenn‘, is au gesorchd. Weil dar Andreas lernd nadürlech sinner klinn‘ Dochder de Mundard: „Frielech wiss die mid ihrn vier Jahrn schonn, wasse Muferkübchn, e Duscher unne Hibbl is!“ Alsu ech finds gud, dasses s Goodsche noch su lebendch is. Ech als Biegeschwemmde werds nadürlech nech mehr rechdch gelern. Aer e baar Worde han ech mech doch schonn gemerchd un wiss inzwüschn au, wasse Amdiller, e Schissnbumber unne Aschndämfer is. Ech wünsch euch e scheenes Wochngende. Un blibbd gesund, ge?! Eure Katharina Müller (Herzlichen Dank an Andreas M. Cramer für seine Übertragung der Kolumne ins Goth’sche!)
